Eftiráviska. V-Allir Norður &spade;D943 &heart;KG ⋄1074...

Eftiráviska. V-Allir

Suður spilar 4♠.

Þetta spil frá Slava-bikarnum í Moskvu reyndist mörgum erfitt í vörninni. NS-pörin yfirmelduðu unnvörpum í 4♠ og fengu mörg að vinna þann samning eftir útspil í laufi. Hvernig þá?

Nú, svo sem engin snilld: Drepið á laufás, farið heim á hátromp og hjarta spilað að ♥KG. Vestur dúkkar, auðvitað, og lúmskur kóngur fer upp í borði. Síðan hjartagosi og hann rennur yfir á ás vesturs. Stóra stundin. Nú verður að spila tígli frá ♦ÁDx.

Hjörðin í vestur spilaði laufi í þessari stöðu og sagnhafi náði að henda tígli niður í hjartadrottningu. Menn óttuðust greinilega að suður ætti tígulkóng og tapslag í laufi. Auk þess virtist hjartadrottningin ekki 100% sönnuð í suður.

Nú er alltaf auðvelt að vera vitur eftirá, en er líklegt að suður sé með 2-3 hunda í laufi? Hefði hann þá ekki látið gosann í borði í fyrsta slag?