Þvingun og innkast. S-AV Norður &spade;G1094 &heart;K32 ⋄9863...

Þvingun og innkast. S-AV

Suður spilar 5♣.

Kristján Blöndal vakti á sterku laufi í suður, Ólöf Thorarensen kom inn á 1♦, Hjördís Sigurjónsdóttir doblaði til að sýna 5-7 punkta og Gunnar Björn Helgason í austur sagði pass. Látlaus fyrsti hringur.

Spilið er frá Íslandsmótinu í paratvímenningi og gekk á ýmsu. En framhaldið við þetta borð var blátt áfram: Kristján sagði 2♣ á sjölitinn og Ólöf 3♦ – pass og pass og 5♣ hjá Kristjáni. Allir pass, ♦Á út og hjarta í öðrum slag.

Vandi sagnhafa er spaðaliturinn þar sem aðeins má gefa einn slag. Kristjáni þótti líklegt að hjónin væru í vestur og ákvað spila upp á strípiþvingun og innkast. Í lokastöðunni átti blindur ♠G109, ♥K og tígulhund, en heima var Kristján með ♠Á65, ♥G og eitt tromp.

Sviðið var nú sett til að spila hjarta á kónginn. Ólöf var komin niður á tvo tígla og ♠KD7 og henti auðvitað tígli. Kristján trompaði þá tígul og spilaði litlum spaða undan ásnum þriðja.