Árið 1975. N-NS
Norður | |
♠G7 | |
♥K92 | |
♦Á65 | |
♣KD1043 |
Vestur | Austur |
♠Á8654 | ♠D102 |
♥D104 | ♥7 |
♦KG9 | ♦108432 |
♣86 | ♣ÁG97 |
Suður | |
♠K93 | |
♥ÁG8653 | |
♦D7 | |
♣52 |
Suður spilar 4♥.
Stundum má túlka frávísun á útspilslit sem óbeint kall í öðrum lit. Eddie Kantar var farinn að hugsa um slíka hluti 1975 – og löngu fyrr, ef út í það er farið. En þrautin að ofan birtist í The Bridge World árið 1975.
Kantar setti lesandann í austur. Norður vakti á 1♣, suður sagði 1♥ og makker í vestur kom inn á 1♠. Norður lyfti í 2♥ (þetta var 1975), lesandinn í austur sagði 2♠ og suður 4♥. Spaðaásinn út. Og nú spurði Kantar: Viltu kalla með tíunni (þetta var 1975) eða vísa frá með tvistinum?
„Sorry,“ skrifaði Kantar: „Ætlaði ekki að móða þig – auðvitað kallarðu með tíunni. Ekki endilega til að fá spaða áfram, heldur fyrst og fremst til að forða makker frá því að skipta yfir í tígul.“
Já. Á þessum tíma litu Bandaríkjamenn á lág köll sem kommúnisma.