Þórður Þórarinsson, framkvæmdastjóri Sjálfstæðisflokksins, segir málefnastarf landsfundarins hafa farið vel af stað, með „góðum átökum“. Einhverjar málefnanefndir sátu að störfum fram á kvöld. Síðasti landsfundur var haldinn árið 2015 og þá vakti töluverða athygli hversu mjög ungt fólk innan flokksins steig fram og náði að koma sínum málum í gegn, en ungir sjálfstæðismenn lögðu þá fram hátt í 100 breytingatillögur innan nefnda og margar þeirra komust inn í stefnu flokksins. Að sögn Þórðar er umræðan í málefnastarfinu ekki síður frjó að þessu sinni.
„Fyrir tveimur og hálfu ári kom unga fólkið inn á fundinn rosalega skipulagt en ég myndi segja að núna væri það meira almennt.“
Hann segist finna fyrir því eftir fyrsta dag fundarins að „fókusinn“ sé á sveitarstjórnarmálin, enda styttist óðum í kosningar.
athi@mbl.is
Til baka
Leita í greinasafni
Prenta grein
