Kattavit. N-NS
Norður | |
♠10984 | |
♥K94 | |
♦ÁD4 | |
♣K54 |
Vestur | Austur |
♠K5 | ♠63 |
♥D762 | ♥5 |
♦G10982 | ♦K763 |
♣D7 | ♣G98632 |
Suður | |
♠ÁDG72 | |
♥ÁG1083 | |
♦5 | |
♣Á10 |
Suður spilar 6♠.
Kettir hafa góða eðlisávísun – líta ekki við stöðnu vatni eða fúlum mat. Sú meðfædda gætni tryggir þeim gott fæði og níu líf.
Er lesandinn kattamaður? Kann hann þá list að bíða færis og hnita í kringum heitan grautinn þar til hann kólnar? Kannaðu málið. Samningurinn er 6♠ og útspilið tígulgosi.
Til að byrja með blasir við að taka á tígulás og svína í trompi. En það gengur ekki og þá þarf, vesgú, að hitta í hjartað. Einbeittir athafnamenn (hundamenn?) ráðast í verk af krafti á annan hvorn veginn, en mjúkir kattamenn taka nokkra hringi í hliðarlitunum fyrst. Þá sannast að austur á sexlit í laufi, tvö tromp og þrjá eða fleiri tígla. Sem sagt – í mesta lagi tvö hjörtu.
Þar með er einfalt mál að staðsetja hjartadrottninguna í vestur.