Höskuldur Daði Magnússon
hdm@mbl.is
Ragnari Jónssyni, rannsóknarlögreglumanni og sérfræðingi á sviði blóðferla í tæknideild lögreglunnar, var á dögunum boðin innganga í The Association for Crime Scene Reconstruction, virt samtök sérfræðinga á sviði glæpa- og vettvangsrannsókna. Ragnar bætist þar með í hóp 200 færustu sérfræðinga á því sviði vestanhafs.
„Þetta er stóra sviðið. Það getur ekkert hver sem er labbað þarna inn,“ segir Ragnar í viðtali við Morgunblaðið í dag. Hann segir að það mikilvægasta sem þessi upphefð færi sér sé tengslanetið: „Nú er ég kominn með 200 tengiliði sem ég get sent tölvupóst eða hringt í og fengið aðstoð.“
Ragnar hélt fyrirlestur á námskeiði á vegum samtakanna fyrir skemmstu þar sem hann kynnti rannsóknir sínar á sakamálum hér á landi. Eins og fram hefur komið í fjölmiðlum vann hann meðal annars að hinni umfangsmiklu rannsókn á morðinu á Birnu Brjánsdóttur á síðasta ári. 18
Til baka
Leita í greinasafni
Prenta grein
