Jesús Munguia tekur við starfi sölustjóra

TourDesk Jesús Munguia hefur verið ráðinn sölustjóri TourDesk. Jesús, sem hefur reynslu af störfum í ferðaþjónustu og sölumálum, kemur til TourDesk frá Skugga hótel þar sem hann stýrði meðal annars sölustarfi í gestamóttöku hótelsins.

TourDesk er íslenskur hugbúnaður sem einfaldar sölu á dagsferðum og afþreyingu til ferðamanna. Hjá fyrirtækinu mun Jesús bera ábyrgð á samskiptum við núverandi viðskiptavini, byggja upp ný viðskiptasambönd og taka virkan þátt í uppbyggingu félagsins erlendis.

Jesús er spænskur og hefur búið á Íslandi í rúm tólf ár. Áður hefur hann meðal annars starfað sem leiðsögumaður í lúxusferðum víða um landið fyrir ýmsar ferðaskrifstofur og sem ljósmyndari. Jesús er menntaður í ljósmyndun frá EFTI-ljósmyndaskólanum í Madríd á Spáni, ásamt því að hafa lokið námskeiði í leiðsögumennsku á jöklum hér á landi.