Einstaklega bragðgott Rauðspretta er í miklu uppáhaldi hjá mörgum enda afbragðshráefni.
Einstaklega bragðgott Rauðspretta er í miklu uppáhaldi hjá mörgum enda afbragðshráefni. — Morgunblaðið/Eggert
Meistarakokkur Sigurjón Bragi Geirsson náði öðru sætinu í keppninni Kokkur Íslands 2018
[ Smellið til að sjá stærri mynd ]
Sigurjón Bragi Geirsson vakti verðskuldaða athygli á dögunum þegar hann hafnaði í öðru sæti í keppninni Kokkur Íslands 2018 sem fram fór í Hörpu. Þessi afbragðs uppskrift er úr hans smiðju og er í senn ákaflega bragðgóð, holl og mannbætandi.

Sigurjón Bragi Geirsson vakti verðskuldaða athygli á dögunum þegar hann hafnaði í öðru sæti í keppninni Kokkur Íslands 2018 sem fram fór í Hörpu. Þessi afbragðs uppskrift er úr hans smiðju og er í senn ákaflega bragðgóð, holl og mannbætandi. Það er nefnilega fátt betra en að gæða sér á Hollandaise sósu með fiski – sannið til.

Rauðspretta

1 flak

Smjör

Salt

Aðferð: Rauðsprettan er flökuð og skorin í tvennt. Hitið pönnu með olíu. Rauðsprettan er lögð í pönnuna heita, krydduð til með salti og pipar. Þegar rauðsprettan er farin að verða gullin á lit bætið við smjöri og látið það bráðna. Þegar smjörið er bráðnað snúið henni við og ausið með smjörinu í 30 sek og takið svo af pönnunni.

Smælki-kartöflur

4 smælki

Aðferð: Smælki-kartöflur soðnar með hýðinu þar til mjúkar. Kældar með köldu vatni og skornar í tvennt, steiktar á pönnu með smjöri og hvítlauk, smakkaðar til með salti og pipar.

Íslenskar gulrætur ofnbakaðar

1 poki gulrætur

Olía

Salt

Pipar

Aðferð: Gulrætur í ofnskúffu með olíu, salti og pipar. Bakað á 160 í 30 mín. Endinn skorinn af og skornar í hæfilega stærð til að gefa með fiskinum. Gott að hita gulræturnar með kartöflunum þegar þær eru steiktar.

Epla- og möndludressing

1 grænt epli

50 g möndlur heilar

1 shallot laukur

50 g dill

20 g ólívuolía

5 g eplaedik

Aðferð: Epli, möndlur, shallot-laukur og dill saxað fínt í ílát. Allt sett saman með olíunni og edikinu. Smakkað til með salti

Hollandaise sósa

1 eggjarauða

100 g smjör

1 sítróna

Salt

Aðferð: Píska eggjarauður yfir hitabaði í 70 gráður. Bræða smjör og hafa það um 60 gráður, blanda smjörinu varlega útí eggjarauðurnar og hræra stöðugt í blöndunni. Þegar allt smjörið er komið saman við er bara að smakka sósuna til með salti og sítrónusafa.

thora@mbl.is