Skrautlegir lokkar Eyrnalokkarnir setja punktinn yfir i-ið.
Skrautlegir lokkar Eyrnalokkarnir setja punktinn yfir i-ið.
Kaupir á netinu Birgitta segist versla mikið á ASOS og í Zara.
Kögrið keyrir upp stemningu Birgitta í flottum jakka með kögri.
Gott töskusafn Birgitta Ósk kaupir merkjatöskur þegar hún fer til útlanda.
Uppáhaldstaskan Neverfull Louis Vuitton-taskan er í uppáhaldi hjá Birgittu.
Aldrei nóg Það er ekki hægt að fá nóg af flottum sólgleraugum.
Elskar pelsa Birgitta Ósk segir að það sé nauðsynlegt að eiga góðan pels.
Gucci Birgitta Ósk notar Gucci-belti yfir kápur ef hún er í þannig stuði.
[ Smellið til að sjá stærri mynd ]
Birgitta Ósk Harðardóttir er 22 ára gömul og hóf nám í fatahönnun í Listaháskóla Íslands síðasta haust. Birgitta sem er líka menntaður förðunarfræðingur hefur gríðarlegan áhuga á öllu sem tengist tísku og hönnun og segist fylgjast vel með tískunni þrátt fyrir að halda alltaf í sinn stíl.

Guðrún Selma

gudrunselma@mbl.is

Hvernig er þinn fatastíll?

„Ég myndi segja að hann sé mikið af fínum fötum blandað við smá götutísku. Ég fíla mjög mikið „pop of color“ hér og þar og svo er ég oftast í kápu eða jakka sem er „statement piece“.“

Hvaða tískutímabil er í mestu uppáhaldi hjá þér?

„Um þessar mundir er 70's tímabilið mikið í uppáhaldi hjá mér en það breytist mjög oft, ég myndi segja að stíllinn minn væri blanda af 70's og 90's stíl.“

Uppáhalds verslun?

„Uppáhalds verslunin mín er Zara ég versla flest allt þar enda fer ég inn í þá búð minnst tvisvar sinnum í viku og þá annað hvort til að versla mér smá eða bara að skoða úrvalið og fá innblástur. Ég kíki stundum inn í Gallerí 17 og finn mér einhvern gullmola þar og einnig inn í H&M, ég flakka á milli þessara búða. Svo eru uppáhalds verslanirnar mínar erlendis Zara, Urban Outfitters, Mango og River Island en svo er það mjög misjafnt eftir því hvaða árstíð það er þegar ég er erlendis. Svo kaupi ég mér yfirleitt eitt merkjaveski þegar ég er erlendis og eru þær búðir nokkrar, meðal annars Gucci og YSL.“

Verslar þú mikið á netinu?

„Ég versla alltof mikið á netinu, ég er ASOS sjúk. Ég fer inná Asos-appið nokkrum sinnum á dag bara til þess að skoða hvað er nýtt og oftast enda ég á að kaupa mér bunka af fötum. Ég myndi segja gróflega að fataskápurinn minn sé helmingur frá Asos og hinn helmingurinn frá Zara.“

Bestu kaup sem þú hefur gert?

„Eins og er er það Neverfull Louis Vuitton taskan mín sem ég nota nánast á hverjum degi bæði í skóla og bara í daglegu lífi. Það er samt mjög erfitt að gera upp á milli allra taskanna minna, elska þær allar jafn mikið enda er ég algjör töskuperri.“

Hverjir eru uppáhalds aukahlutirnir þínir þessa stundina?

„Rauðu og bleiku blómaeyrnalokkarnir sem ég keypti mér í Zara í síðustu viku, mér finnst rosalega mikilvægt að hafa eyrnalokka, þeir setja punktinn yfir i-ið. Svo eru það auðvitað bleiku Gucci sólgleraugun sem ég keypti í París, þau eru æði. Það sem er líka í uppáhaldi hjá mér er rauða Prada veskið mitt.“

Mesta tískuslysið þitt?

„Mesta tískuslysið mitt er líklegast þegar það var í tísku að vera í öllum pastellituðum fötum í bland við hlébarðamynstur. Ég var sem sagt á því tímabili að blanda oft saman pastellitaðri skyrtu við þröngar buxur í hlébarðamynstri og svo lituðum strigaskóm við. Svaka pæja.“

Hvað er nauðsynlegt að eiga í fataskápnum sínum þessa stundina?

„Það er mjög nauðsynlegt að eiga góðan pels hvort sem það er alvöru feldur eða gervi, ég finn mína á Asos eða í Spúútnik. Ég var mjög heppin að finna mína uppáhaldsflík núna, sem er síður gerviskinnspels, í Urban Outfitters á útsölu þegar ég var úti í París um daginn.“

Hvað er á óskalistanum fyrir sumarið?

„Snákaskinnsskórnir úr Apríl skóm og auðvitað ný vönduð og flott sólgleraugu því maður á aldrei of mikið af þeim. Svo má ekki gleyma nýjum hvítum strigaskóm, og eru Archlight strigaskórnir frá Louis Vuitton efst á listanum.“