Kunnáttuleysi.

Kunnáttuleysi. N-AV

Norður
♠853
♥G63
♦9742
♣ÁK6

Vestur Austur
♠764 ♠KDG109
♥Á87 ♥K1095
♦Á865 ♦D103
♣D32 ♣9

Suður
♠Á2
♥D52
♦KG
♣G108754

Suður spilar 5♣ dobluð.

Spilarar haga hindrunarsögnum sínum eftir stöðum. Stundum eiga menn vel fyrir sínu (til dæmis í annarri hendi á hættu), en stundum er stokkið á tómt brak (til dæmis utan hættu í þriðju hendi). Þetta vita allir og gera allir, hvort sem málið er rætt eða ekki í parinu. En samt gerast hlutir eins og þessir.

Við erum stödd í átta-liða úrslitum Vanderbilt. Norður (Billy Miller) passar sem gjafari, austur (Jeff Mechstroth) opnar á 1♠, suður (Vinita Gupta) hindrar í 3♣, vestur (Eric Rodwell) segir 3♠ og norður stekkur í 5♣?! OMG.

Stökkið í 5♣ væri ágætis pressusögn ef suður ætti INNRAMMAÐA hindrun – sjölit og veik spil. En staðan býður upp á BLÆÐANDI hindrun og þá eru pressusagnir bannaðar á móti. Hér hefði Miller átt að segja 4♣, sem er lýsandi sögn og eftirlætur makker síðustu ákvörðun.

En þetta kunna menn ekki ennþá, jafnvel ekki á æðstu stöðum.