Stephen Curry
Stephen Curry — AFP
Ekki er hátt risið á ríkjandi meisturum í Golden State Warriors þessa dagana í NBA-körfuboltanum. Nú er sú staða uppi að liðið er án fjögurra þekktustu leikmanna sinna. Allt menn sem tekið hafa þátt í Stjörnuleikjum NBA.
Ekki er hátt risið á ríkjandi meisturum í Golden State Warriors þessa dagana í NBA-körfuboltanum. Nú er sú staða uppi að liðið er án fjögurra þekktustu leikmanna sinna. Allt menn sem tekið hafa þátt í Stjörnuleikjum NBA. Stephen Curry hefur verið seinheppinn í vetur. Hann hefur tvívegis meiðst á ökkla í vetur og þegar hann sneri aftur á dögunum meiddist kappinn á hné. Verður hann frá næstu þrjár vikurnar en gæti verið klár í slaginn þegar úrslitakeppnin hefst. Önnur stórstjarna, Kevin Durant, er einnig frá sem stendur vegna brákaðs rifbeins. Á sjúkralistanum eru einnig Klay Thompson og Draymond Green en enginn fjórmenninganna ætti þó að vera lengi frá. En nú er farið að styttast í úrslitakeppnina og ríkjandi meistarar eru ekki samkeppnishæfir við bestu liðin.