Erfið innlausnarstaða. S-Allir
Norður | |
♠K987 | |
♥G109 | |
♦G98 | |
♣K53 |
Vestur | Austur |
♠– | ♠1062 |
♥Á753 | ♥65 |
♦K1075 | ♦Á642 |
♣Á10987 | ♣DG42 |
Suður | |
♠ÁDG543 | |
♥KD82 | |
♦D3 | |
♣6 |
Suður spilar 4♠.
Hollendingurinn brosandi, Jan Jansma, lagði niður laufásinn gegn 4♠. Ekki besta byrjunin, en heldur ekki sú versta. Spilið er frá leik Nickells og Gupta í fjórðungsúrslitum Vanderbilt; Jansma og Zia gegn Nickell og Katz. Sagnir höfðu lítið gefið til kynna: Katz vakti á 1♠, Jansma doblaði, Nickell hækkaði 2♠ og Katz í fjóra. Laufásinn út og FJARKINN frá Zia.
Nú þarf augljóslega að hafa snör handtök og taka tvo slagi á tígul. En Jansma valdi að spila laufi áfram og þar með fór einn tígull niður í ♣K og Katz fékk tíu slagi. Hinum megin kom út tígull gegn 3♠ og vörnin tók sína fjóra upplögðu slagi.
Innlausnarstöður eru alltaf erfiðar og þessi virðist vera næstum óleysanleg. Eða hvað getur austur gert til að vísa á tígulinn? Kannski hefur Zia meint lauffjarkann sem frávísun í laufi með „hliðarkallsívafi“, en sú túlkun er ekki auðveld fyrir vestur.