Hér á landi eru um 2.700 hjúkrunar-rými á öldrunarstofnunum. Þrátt fyrir það er þörfin mun meiri og Anna Birna Jensdóttir, framkvæmdastjóri Sóltúns, segir um 500-700 manns bíða þess að komast að. Þá megi gera ráð fyrir að á næstu 12 árum þurfi að fjölga rýmunum um að minnsta kosti 1.800.
Gríðarlegur kostnaður verður samfara slíkri uppbyggingu en þjónustan er einnig dýr. Bendir Anna Birna á að kostnaður við hvert rými sé að lágmarki 1 milljón króna á mánuði. Miðað við það kostar rekstur hjúkrunarheimila um 2,7 milljarða á mánuði hverjum og um 30 milljarða á ársgrundvelli. Sú tala mun nálgast 60 milljarða á næsta áratug. Anna Birna segir í viðtali við ViðskiptaMoggann í dag að Sóltún sé reiðubúið til að ráðast í uppbyggingu nýs hjúkrunarheimilis fyrir ríflega 100 íbúa strax á morgun. Ríkisvaldið þurfi einfaldlega að taka af skarið.
Til baka
Leita í greinasafni
Prenta grein
