Skiptar skoðanir. A-Enginn Norður &spade;ÁG9632 &heart;Á8 ⋄10764...

Skiptar skoðanir. A-Enginn

Suður spilar 5♣.

Útsendari Marks Hortons fylgdist með Íslandsmótinu um helgina í leit að snúnum sagnþrautum. Hann fann þessa í síðasta leik og lagði fyrir félaga sína í Ljóngömmunum: Hvað á suður að segja við opnun austurs á 3♥?

Papa : Dobl. Til að halda þremur gröndum inni í myndinni.

Karapet: Pass. Ég er dæmdur maður.

Hérinn: 4♣. Vona að makker taki þetta ekki sem ásaspurningu.

Gölturinn: 3G. Einhver verður að axla ábyrgð.

Keppendur Íslandsmótsins gerðu eitt og annað. Þeir sem dobluðu fengu 4♠ í hausinn frá makker. Viðbúið, svo sem, en ekki skemmtilegt. Við 4♠ hlýtur suður að segja 5♣ og sýna þannig einlita hönd. Ekki gott.

Þeir keppendur sem völdu Hérasögnina 4♣ gátu með góðri samvisku (og árangri) passað 4♠ hjá makker í næsta hring. Hins vegar fara engar sögur af því að suður hafi reynt 3G, eins og Gölturinn stingur upp á. En það hefði heppnast vel.