Aftur á svið eftir að hafa fengið hurð í andlitið

„Ég er svo glöð að vera með allar tennur mínar og að nefið sé ekki skakkt,“ segir Birna Rún Eiríksdóttir leikkona sem varð fyrir því óláni á Sýningunni sem klikkar á miðvikudagskvöldið að fá hurð í andlitið með þeim afleiðingum að hún marðist og vör sprakk. Hún þurfti að fara á slysadeild til aðhlynningar og leikhúsgestir þurftu því frá að hverfa í hléi.

Birna Rún var aftur mætt á svið Borgarleikhússins í gærkvöldi og héldu sýningar áfram samkvæmt áætlun. Hún bar sig vel í sminkinu baksviðs fyrir sýningu þar sem hún sýndi ljósmyndara bólgna vörina, sem ekki þurfti að sauma saman. Viðtal er við Birnu Rún í menningarhluta blaðsins. 41