Önnur messa. A-NS Norður &spade;KD102 &heart;ÁK963 ⋄K2 &klubs;107...

Önnur messa. A-NS

Suður spilar 5♣ dobluð.

„Eitt er að kunna kerfið sitt, annað að beita því af skynsemi.“ Gölturinn var enn í messustuði og dreifði nú miða með austurhendinni til viðstaddra: „Er þetta opnun á þremur tíglum?“

Eins og venjulega áræddi enginn að svara og Gölturinn svaraði því sjálfur: „Samkvæmt hefðbundnum kerfum er þetta dæmigerð hindrun á þremur. En hver bíður á rauðu ljósi þegar enginn bíll er sjáanlegur? Lítið á stöðuna: Þið eruð í fyrstu hendi, utan gegn á hættu. Kjörstaða til að herða pressuna.“

Spilið kom víst upp í nýlegum æfingaleik Belga og Hollendinga fyrir komandi EM. Belginn Philippe Coenrates opnaði á 3♦. Norður doblaði til úttektar, suður sagði 3G og fór þar hægt og hljótt tvo niður (-200). Á hinu borðinu vakti hinn hollenski Danny Molenaar á 4♦. Sú sögn gekk til norðurs, sem doblaði, og suður sagði 5♣ með hræðilegum afleiðingum (-800).