Fín hugmynd. A-NS Norður &spade;Á965432 &heart;ÁG6 ⋄Á9 &klubs;5...

Fín hugmynd. A-NS

Suður spilar 7♥.

Jeffrey Juster fékk fína hugmynd. Hann var í austur með heldur máttlítil spil og passaði sem gjafari. Suður (Chris Willenken) vakti á 1♥ og austur (Franklin Merblum) stökk hindrandi í 3♦. Norður (Eldad Ginossar) sagði 4♦ (slemmuáhugi í hjarta) og nú var aftur komið að Juster. Hvað datt honum í hug?

Spilið er frá 16-liða úrslitum landsliðskeppninnar í Houston og algengasta lokasögnin var 7♠ í norður. En spaðaliturinn týndist í þessu leik, bæði vegna þess að Ginossar valdi að segja 4♦ frekar en 3♠, og eins af því Juster stökk næst í 5♠ á eyðuna! Við því sagði Willenken 6♥ og Ginossar lyfti í 7♥. Allir pass, spaði út og einn niður.

Eftir á að hyggja er auðvelt að gagnrýna Ginossar fyrir að átta sig ekki á fyrirætlun Justers með 5♠. Eitt er þó víst: það hefði verið auðveldara að breyta í 7G (eða 7♠) eftir Lightner-dobl á 7♥, eins og sást í öðrum leikjum.