Listræn hönnun Handverk og tískuvitund sameinast í verkum Anitu Hirlekar sem opnar sýningu í Listasafninu á Akureyri í dag.
Listræn hönnun Handverk og tískuvitund sameinast í verkum Anitu Hirlekar sem opnar sýningu í Listasafninu á Akureyri í dag.
Bleikur og grænn er heiti sýningar á Anitu Hirlekar sem verður opnuð í Listasafninu á Akureyri - Ketilhúsi í dag, laugardag, kl. 15. Sýningin er á báðum hæðum Ketilhússins.
Bleikur og grænn er heiti sýningar á Anitu Hirlekar sem verður opnuð í Listasafninu á Akureyri - Ketilhúsi í dag, laugardag, kl. 15. Sýningin er á báðum hæðum Ketilhússins.

Í tilkynningu um sýninguna segir að í hugmyndafræði Anítu sameinist handverk og tískuvitund með einkennandi hætti. Listrænar litasamsetningar og handbróderaður stíll séu áberandi þættir í hönnun hennar.

Þá er sagt vel við hæfi að nota orðfæri listfræðinnar þegar hönnun Anitu er skoðuð. Anita sækir innblástur í myndlist og tekst á við verkefni sín á forsendum hennar. „Vísun til myndhöggvarans er til að mynda ekki fráleit þegar horft er til Anitu; sniðin hennar eru gjarnan skúlptúrísk. Þau taka sitt eigið form en fylgja ekki endilega líkamanum.“

Aníta Hirlekar lauk árið 2012 BA-námi í fatahönnun með áherslu á textílprent og síðan MA-gráðu í textílhönnun fyrir tískufatnað frá Central Saint Martins í London árið 2014. Hún hefur tekið þátt í fjölda sýninga bæði á Íslandi og erlendis, meðal annars á tískuvikunum í London og París, í Espoo Museum of Modern Art í Finnlandi og í Hönnunarsafni Íslands. Aníta var tilnefnd til Menningarverðlauna DV árið 2015 og hönnun hennar var í forvali fyrir Hönnunarverðlaun Íslands 2015. Hún hlaut Fashion Special Prize í International Talent Support hönnunarkeppninni á Ítalíu árið 2014.

Sýningin stendur í allt sumar, til 16. september og verður opin alla daga frá kl. 10 til 17.