Viktoría krónprinsessa Svíþjóðar klæddist hönnun frá Par Engsheden þegar hún giftist prinsi Daníel í Stokkhólmi í júlí 2010.
Viktoría krónprinsessa Svíþjóðar klæddist hönnun frá Par Engsheden þegar hún giftist prinsi Daníel í Stokkhólmi í júlí 2010.
Norski krónprinsinn Hákon og prinsessan Mette-Marit giftu sig í ágúst árið 2001. Brúðurin klæddist kjól sem hún hannaði sjálf ásamt hönnuðinum Ove Harder Finseth.
Elísabet prinsessa, síðar drottning Englands, og Filippus prins voru gefin saman árið 1947 í Westminster Abbey í London. Kjóllinn var hannaður af Norman Hartnell.
Díana prinsessa giftist Karli Bretaprinsi árið 1981 við konunglega athöfn sem enn er umtöluð, sérstaklega í ljósi brúðkaups sonar þeirra. Díana klæddist brúðarkjól hönnuðum af David og Elizabeth Emanuel en honum fylgdi eitt lengsta slör sem sögur fara af.
Vilhjálmur Bretaprins og hertogayngjan af Cambridge, Kate Middleton, giftu sig í Westminster Abbey árið 2011. Mikil eftirvænting ríkti að sjá brúðarkjólinn en hann hannaði Sarah Burton fyrir Alexander McQueen.
Mary Donaldson gekk að eiga Danaprinsinn Friðrik í maí 2004. Hún klæddist fallegum brúðarkjól eftir danska hönnuðinn Uffe Frank. Á höfði bar hún aldargamla kórónu.
Jóakim Danaprins og prinsessan Marie Cavallier giftu sig árið 2008. Hún klæddist brúðarkjól hönnuðum af Arasa Morelli.
Meghan Markle og Harry Bretaprins gifta sig laugardaginn 19. maí. Spennandi verður að sjá brúðarkjólinn!
Grace Kelly og Rainier prins af Mónakó voru gefin saman árið 1956. Kelly klæddist kjól frá MGM-hönnuðinum Helen Rose, en hún hafði hannað á hana föt fyrir kvikmyndirnar High Society og The Swan.
Spánarprins, síðar konungur, kvæntist prinsessunni, síðar drottningu, Letizia Ortiz í maí árið 2004. Brúðurin klæddist kjól eftir hönnuðinn Manuel Pertegaz.
Pippa Middleton, systir prinsessunnar Kate Middleton, hefur vakið mikla athygli og er ekki úr vegi að skoða fallega kjólinn hennar, en hún gifti sig í kjól hönnuðum af Giles Deacon.
[ Smellið til að sjá stærri mynd ]
Fátt er meira rætt í Bretlandi og víðar en brúðkaup Harrys Bretaprins og bandarísku leikkonunnar Meghan Markle. Gríðarleg spenna ríkir yfir brúðarkjólnum sem enginn veit enn hvernig lítur út. Konunglegir brúðarkjólar í gegnum tíðina hafa alltaf vakið mikla athygli. Ásdís Ásgeirsdóttir asdis@mbl.is

Ævintýrin gerast enn og loks hefur prinsinn fundið sína prinsessu. Laugardaginn 19. maí gengur Harry prins, yngri sonur Karls Bretaprins og Díönu Spencer, upp að altarinu þar sem hann innsiglar ást sína á bandarísku leikkonunni Meghan Markle.

Brúðarkjóll Markle hefur verið vandlega falinn og ekkert er gefið upp í þeim efnum. Jafnvel Harry prins hefur ekki fengið að berja hann augum. Miklar getgátur hafa verið um hver hafi fengið að hanna þennan heimsfræga brúðarkjól en helst er veðjað á að það hafi komið í hlut teymisins Ralph og Russo. Hið sanna kemur ekki í ljós fyrr en í athöfninni sjálfri. Ljóst er að því fylgir bæði heiður og frægð að vera treyst fyrir slíkri hönnun.

Í gegnum árin hafa prinsessur skartað brúðarkjólum eftir frægustu hönnuði heims. Tískan breytist með tímanum og konunglegir brúðarkjólar eru þar engin undantekning. Gaman er að sjá brúðarkjóla prinsessa og drottninga í gegnum tíðina.