Ekki nota símann seint á kvöldin

Farsímanotkun eftir klukkan tíu um kvöld getur leitt til þunglyndis og einmanaleika. Það er ekkert leyndarmál að það stuðlar ekki að góðum nætursvefni að nota símann á kvöldin en nú hefur ný rannsókn leitt í ljós að það að skoða samfélagsmiðla af koddanum seint á kvöldin auki líkurnar á að viðkomandi þrói með sér t.d. þunglyndi og geðhvörf.

Rannsóknin náði til 91.000 manns á aldrinum 37-73 ára og var fylgst með þeim í viku. Niðurstöðurnar voru birtar í The Lancet Psychiatry.