Quake eftir Pál Ragnar það besta

Quake , verk fyrir selló og kammersveit eftir Pál Ragnar Pálsson tónskáld, hlaut í gær aðalverðlaunin á Alþjóðlega tónskáldaþinginu – International Rostrum of Composers, sem nú er haldið í Búdapest. Ríkisútvarpið hafði tilnefnt í keppnina tónverk eftir tónskáldin Pál Ragnar, sem deilir verðlaununum með hollensku tónskáldi, og Hildi Guðnadóttur og var Hildur valin á heiðurslista þingsins fyrir tónverkið Point of Departure . Samkvæmt frétt á vef RÚV verða verðlaunin til þess að sinfóníuhljómsveit franska ríkisútvarpsins pantar nýtt verk hjá Páli Ragnari.