Sama sagan. S-NS
| Norður | |
| ♠Á9763 | |
| ♥Á108 | |
| ♦ÁK3 | |
| ♣52 |
| Vestur | Austur |
| ♠G | ♠KD108 |
| ♥– | ♥764 |
| ♦DG10862 | ♦974 |
| ♣ÁDG1064 | ♣983 |
| Suður | |
| ♠542 | |
| ♥KDG9532 | |
| ♦5 | |
| ♣K7 |
Suður spilar 5♥.
„Það er alltaf sama sagan með þig.“
Önundur önugi er kvartsár og ósanngjarn makker, ávallt sannfærður um að mistökin liggi hinum megin borðsins. Hann var hér í austur. Suður vakti á 3♥, vestur stökk í 4G til að sýna láglitina og norður lauk sögnum með 5♥. Tíguldrottning út.
Sagnhafi dúkkaði tíguldrottninguna í fyrsta slag! Vestur skipti yfir í spaðagosa, sagnhafi tók með ás, henti spöðum í ♦ÁK og trompaði spaða. Notaði svo innkomur blinds á hjarta til að fría fimmta spaðann og nýta. Glæsileg sniðgönguspilamennska, sem vörnin á ekkert svar við. En Önundur var önugur:
„Ef þú skiptir yfir í tromp í öðrum slag vantar eina innkomu í borð til að nýta spaðann.“
„Ég átti ekki tromp til,“ svaraði vestur þolinmóður, enda ýmsu vanur.
„Alltaf sama sagan – tómar afsakanir.“
Til baka
Leita í greinasafni
Prenta grein
