Uppskerubrestur. N-NS Norður &spade;K109 &heart;K10 ⋄ÁKG6...

Uppskerubrestur. N-NS

Suður spilar 4♠.

Vestur kemur út með ♣K og sagnhafi horfir vonglaður til framtíðar, enda gætu þetta verið tólf slagir í góðu árferði. En nú er rigningarsumarið mikla – austur á lykilspilin (♥Á og ♦D) og tígullinn brotnar ekki 3-3. Það stefnir í uppskerubrest.

Ef sagnhafi spilar beint af augum mun vanta eina kartöflu í lokin. Skoðum málið: Tekið á ♣Á, lauf trompað og hjarta spilað á kóng. Austur drepur og trompar út. Sagnhafi spilar hjarta, austur á slaginn á gosann og trompar aftur út. Nú er vissulega hægt að trompa eitt hjarta í blindum, en það er aðeins níundi slagurinn og sá tíundi reynist ófáanlegur á tígul. Einn niður.

Lausnin felst í því að trompa FJÓRUM sinnum heima (öfugur blindur). Sagnhafi stingur strax lauf í öðrum slag, notar svo innkomur blinds á ♦ÁK til að trompa hin laufin tvö og gefur loks slag á tígul. Úrslitaslagurinn fæst með því að trompa fjórða tígulinn.