Jeff djassar

TÓNLIST Leikarinn góðkunni Jeff Goldblum er í þann mund að gefa út djassplötu. Goldblum lærði á píanó í æsku og hefur spilað við tilefni eins og í spjallþáttum Grahams Nortons og Jimmys Kimmels og komið fram með hljómsveit sinni The Mildred Snitzer Orchestra , en þetta er fyrsta platan sem hann gefur út. Platan verður gefin út hjá plötuútgáfu Decca og kemur út síðar á þessu ári.