Slaufan bindur útlitið saman.
Slaufan bindur útlitið saman. — AFP
Þessi hattur er algjört listaverk.
Það fer vel að nota litríka slæðu við stór sólgleraugu.
Reykurinn léði sýningunni dulrænt yfirbragð.
Himneskt hárskraut.
Stórgert blómamynstrið passar vel við ísaumaða gullþráðinn.
Krossinn gefur fatnaðinum trúarlegt yfirbragð og fyrirsætan heldur töskunni nærri, líkt og prestur myndi gera við biblíu.
Skyrtukraginn er risastór og í anda áttunda áratugarins.
[ Smellið til að sjá stærri mynd ]
Gucci heldur áfram að heilla heimsbyggðina með litríkum fötum en Alessandro Michele, listrænn stjórnandi tískuhússins, virðist hafa náð tangarhaldi á tískuheiminum og ekkert bendir til þess að hann sleppi því taki í bráð. Inga Rún Sigurðardóttir ingarun@mbl.is

Alessandro Michele, maðurinn sem er ábyrgur fyrir því að svona margar konur ganga um í litríkum og blómaskreyttum kjólum, sýndi nýverið nýja línu Gucci-tískuhússins í Suður-Frakklandi. Línan er millilína, svokölluð „cruise“-lína og er fyrir árið 2019. Hann sveik ekki frekar en fyrri daginn og var fatnaðurinn og öll framsetning á tískusýningunni leikræn og listræn.

Það jók á dramatíkina að sýningin fór fram í Alyscamps, kirkjugarðaborg (necropolis) nærri Arles frá tímum Rómverja. Sýningin fór fram um kvöld og var andrúmsloftið dulrænt og seiðandi og reykur lék um fyrirsæturnar á meðan Michele messaði yfir tískugestunum.