<strong>Penninn húsgögn 274.900 kr. </strong>Melody-hillusamstæðan er með því fallegra sem gerist í hilluheiminum. Hið ofursnjalla hönnunarteymi Neuland Industriedesign stendur að baki hönnuninni, en margir þekkja hinar víðfrægu Random-hillur þess. Framleiðandi er MDF italia. Verðið á við um eina blokk en hér á myndinni eru þær fjórar.
Penninn húsgögn 274.900 kr. Melody-hillusamstæðan er með því fallegra sem gerist í hilluheiminum. Hið ofursnjalla hönnunarteymi Neuland Industriedesign stendur að baki hönnuninni, en margir þekkja hinar víðfrægu Random-hillur þess. Framleiðandi er MDF italia. Verðið á við um eina blokk en hér á myndinni eru þær fjórar.
<strong>Línan 35.800 kr. </strong>Z Cubes-hillurnar, úr sprautulökkuðum MDF-plötum, eru framleiddar af sænska fyrirtækinu Tenzo. Hægt er að hengja hillurnar bæði lárétt og lóðrétt á vegginn og leika sér að alls konar uppröðun.
<strong>IKEA 53.500 kr. </strong>Svalnäs-hillurnar eru undir greinilegum áhrifum hinna sívinsælu hansahillna en þessi gerð, sem er blanda af hvítum festingum og hillum úr bambus, gefur stofunni milt yfirbragð og rænir ekki athyglinni frá fallegu stofustássi.
<strong>Húsgagnahöllin 89.900 kr. </strong>Þessar hillur henta þeim sem vilja stöðugt vera að breyta fullkomlega. Ekkert þarf að bora eða festa í veggi og hillunum má renna milli veggja á hjólum. Danska hönnunarmerkið Nordal framleiðir.
<strong>Casa Frá 399.000 kr. </strong>Meistari Vico Magistretti tók þennan skemmtilega snúning á hillur árið 1977 fyrir Cassina. Hillurnar kallast Nuvola Rossa.
<strong>Willamia 398.000 kr. </strong>Látlaus fágun í þessum fögru bókahillum frá Saba Italia sem kallast Leyva.
<strong>Módern Frá 214.900 kr. </strong>Hollenski hönnuðurinn Ka-Lai Chan á hér afar frumlegt handbragð en vegghillusamstæðan SheLLF skagar mismikið út eftir einstaka hillum. Upphaflega átti aðeins að framleiða nokkur eintök af hillunni en Kristalia tók hilluna upp á sína arma í fjöldaframleiðslu.
[ Smellið til að sjá stærri mynd ]
Að velja sér hillur undir ástkærustu bækurnar, tímaritin, vasana og allt sem tilheyrir stofulífi er stór ákvörðun því það er bæði mál að bora og festa þær upp, velja þeim stað og finna hvað passar dótinu manns best. Hér er brotabrot af úrvali bæjarins. Júlía Margrét Alexandersdóttir julia@mbl.is