Risaeðlur stökkva beint á toppinn

Ævintýra- og spennumyndin Jurassic World: Gallen Kingdom naut mestrar aðsóknar um helgina og sáu hana rúmlega 8.200 manns, en alls hafa ríflega 11.600 bíógestir séð hana frá því hún var frumsýnd.

Næstaðsóknarmesta mynd helgarinnar var hasarmyndin Kona fer í stríð, sem tæplega 1.500 manns sáu, en alls hafa hátt í níu þúsund séð myndina frá því hún var frumsýnd fyrir þremur vikum. Í þriðja sæti er Deadpool 2, sem tæplega 1.300 manns sáu, en frá frumsýningu hafa tæplega 34.400 manns séð hana.