Mikilvægt útspil. S-Enginn
Norður | |
♠Á65 | |
♥105 | |
♦K108 | |
♣ÁDG107 |
Vestur | Austur |
♠KD983 | ♠1072 |
♥ÁD82 | ♥G76 |
♦93 | ♦Á76 |
♣65 | ♣7432 |
Suður | |
♠G4 | |
♥K943 | |
♦DG542 | |
♣K8 |
Suður spilar 3G.
Danirnir Lauge Schäffer og Jonas Houmöller nota tvíræða laufopnun úr Gulrótarkerfinu: 16+ og allar skiptingar eða 9-11 flatir. Það skýrir opnun Houmöllers í suður á laufi. Ómar Olgeirsson kom inn á 1♠ og Schäffer stökk í 3♠ í merkingunni „segðu þrjú grönd, makker, með flata lágmarkið“. Houmöller gerði eins og um var beðið. Nú valt allt á útspili Ómars. Háspaði tryggir vörninni sjö slagi, en lítill spaði snargefur samninginn.
Ómar lagði niður ♥Á. Einn niður, samkvæmt reikniforritinu GIB, en þá verður framhaldið að vera hárnákvæmt. Það reyndist vera. Ómar skipti yfir í ♠K í öðrum slag. Houmöller dúkkaði og Ómar skipti aftur um hest, spilaði hjarta upp á gosa og kóng. Ragnar Magnússon notaði svo innkomu sína á ♦Á til að spila hjarta í gegnum sagnhafa og Ómar tók þar tvo slagi á ♥D8. Einn niður.
Hinum megin kom Lars Blakset út með ♠K. Þrír niður á augabragði.