Vakinn og sofinn. S-Enginn
| Norður | |
| ♠9832 | |
| ♥D63 | |
| ♦Á864 | |
| ♣106 |
| Vestur | Austur |
| ♠DG54 | ♠K7 |
| ♥G85 | ♥9742 |
| ♦5 | ♦9 |
| ♣K7543 | ♣ÁDG982 |
| Suður | |
| ♠Á106 | |
| ♥ÁK10 | |
| ♦KDG10732 | |
| ♣-- |
Suður spilar 6♦.
Spil dagsins féll í 5♦ í leik Íslands og Lettlands, sem er par-samningur, því slemma á aldrei að vinnast. Samt unnust 6♦ nokkuð víða. Málið snýst um vökustig austurs.
Rússinn Vadim Kholomeev trompaði laufútspilið, spilaði tígli á ás og spaða úr blindum. Þessi ágæta tilraun til að svæfa vörnina dugði ekki gegn Svíanum Ola Rimsted. Ola rauk upp með ♠K og tryggði bróður sínum tvo slagi á litinn síðar.
Hinum megin spilaði Fedric Nyström slemmuna í norður. Hann trompaði ♣Á og lagði strax niður ♠Á – lítið, lítið og LÍTIÐ. Þá var rússneski björninn unninn: Nyström tók þrjá slagi á hjarta, stakk lauf og spilaði spaða.
Lokatölur opna flokksins: Noregur (417), Ísrael (415) Rússland (406), Svíþjóð (396), Holland (392), Mónakó (384), England (382), Ítalía (375). Þessar átta þjóðir munu spila á HM að ári. Ísland endaði í 14. sæti með 361 stig.
Til baka
Leita í greinasafni
Prenta grein
