1. ágúst 1874 Stjórnarskrá Íslands öðlaðist gildi og stofnað var sérstakt stjórnarráð fyrir Ísland í Kaupmannahöfn. 1. ágúst 1935 Talsímasamband við útlönd var opnað, en árið 1906 hafði símskeytasamband komist á.
1. ágúst 1874
Stjórnarskrá Íslands öðlaðist gildi og stofnað var sérstakt stjórnarráð fyrir Ísland í Kaupmannahöfn.
1. ágúst 1935
Talsímasamband við útlönd var opnað, en árið 1906 hafði símskeytasamband komist á. Fyrstir töluðu Kristján konungur tíundi og Hermann Jónasson forsætisráðherra. „Merkilegt augnablik,“ sagði í Morgunblaðinu. „Sigur tækninnar á örðugleikum fjarlægðanna.“
1. ágúst 2001
Skipulagsstofnun lagðist gegn framkvæmdum við Kárahnjúkavirkjun „vegna umtalsverðra umhverfisáhrifa og ófullnægjandi upplýsinga um einstaka þætti framkvæmdarinnar og umhverfisáhrif hennar“. Í desember felldi umhverfisráðherra úrskurðinn úr gildi og féllst á virkjun með skilyrðum.Dagar Íslands | Jónas Ragnarsson