Baldur Arnarson
baldura@mbl.is
Framboð á atvinnuhúsnæði eykst um tugþúsundir fermetra á næstu mánuðum með því að margar nýbyggingar verða teknar í notkun.
Verktakafyrirtækið ÞG Verk er þar af með rúma 40 þúsund fermetra af atvinnuhúsnæði og alls 20 þúsund fermetra bílakjallara.
Þorvaldur Gissurarson, forstjóri ÞG Verks, segir 50-60% af nýju atvinnuhúsnæði á Hafnartorgi hafa verið leigð út. Þá sé búið að leigja um 20% af nýju 16.500 fermetra skrifstofuhúsi í Urðarhvarfi í Kópavogi. Áætlað sé að senn muni um þúsund manns starfa í húsinu.
Hafnartorgið verður tekið í notkun í haust og með því bílakjallari sem nær undir Geirsgötu.
Þorvaldur segir eftirspurnina vitna um efnahagsbata síðustu ára.
Kostar 200-300 þúsund á íbúð
ÞG Verk er líka umsvifamikið í byggingu íbúðarhúsnæðis.Þorvaldur segir hamlandi skipulagskröfur enn að aukast á höfuðborgarsvæðinu. T.d. kosti djúpgámar við íbúðir sem félagið er að byggja í Vogabyggð í Reykjavík 200 til 300 þús. á hverja íbúð. 10