Advania hefur gert bakhjarlasamning við Vertonet, hagsmunasamtök kvenna í upplýsingatækni, um að styrkja starf félagsins. Advania hyggst meðal annars taka þátt í viðburðum til að efla samstöðu kvenna í tæknigeiranum.
Hagsmunasamtök kvenna í upplýsingatækni á Íslandi voru stofnuð í apríl sem vettvangur fyrir konur til þess að tengjast og fræðast. Á fjölmennum stofnfundi samtakanna kom fram mikill samhugur um nauðsyn þess að auka hlutfall kvenna í tæknigeiranum, að því er fram kemur í tilkynningu. Megintilgangur félagsins er að vinda ofan af þeim kynjahalla sem nú ríkir í greininni og vekja áhuga kvenna á þeim fjölbreyttu störfum sem rúmast innan tæknigeirans.
Advania og Vertonet hafa sett saman aðgerðaáætlun og viðburðaríka dagskrá á næstu mánuðum þar sem konum í tæknigeiranum gefst færi á að kynnast betur og efla tengslanetið. Fyrsti viðburður verður í húsakynnum Advania í september en nánar verður sagt frá dagskránni á vefsíðu Vertonet.
Til baka
Leita í greinasafni
Prenta grein
