Vill blása lífi í Vinina

Bandaríska leikkonan Jennifer Aniston segist hafa rætt við vinkonur sínar og fyrrverandi samstarfskonur, Courteney Cox og Lisu Kudrow, um möguleikann á því að endurvekja hina vinsælu gamanþætti Friends, eða Vini.

Aniston sagði frá því í viðtali við tímaritið InStyle að það væri draumur hennar að þættirnir hæfu aftur göngu sína. „Þetta var besta starf sem ég hef nokkurn tíma sinnt,“ segir Aniston um hlutverk sitt í þáttunum. Hún segist þó ekki sjá fyrir sér hvernig þættirnir yrðu væru þeir endurvaktir. Ýmislegt annað kom í ljós í viðtalinu, m.a. sagðist Aniston ekki vera í ástarsorg þó að þau Justin Theroux hefðu ákveðið að skilja og að frásagnir af lífi hennar í fjölmiðlum yrðu sífellt fáránlegri.