Ferðatorg í austurvegi

Guide to Iceland hefur samið við við Philippine Airlines um stofnun markaðstorgs fyrir ferðaþjónustu sem verður í sameiginlegri eigu beggja aðila. Samningurinn er gerður í gegnum dótturfélagið Travelshift, hugbúnaðararm Guide to Iceland.

Hið nýja markaðstorg nefnist Guide to Philippines og er því ætlað að fylgja eftir þeim árangri sem Guide to Iceland og Travelshift hafa náð við markaðssetningu á Íslandi. Filippseyjar verða fjórða landið sem Travelshift hugbúnaðurinn nemur utan landsteinanna.