GPS-tækni. V-AV Norður &spade;K643 &heart;K974 ⋄K6 &klubs;K43...

GPS-tækni. V-AV

Suður spilar 4♥.

Giorgio Duboin notaði sagnir mótherjanna eins og GPS-tæki til að rata rétta leið í úrspilinu. Michal Klukowski passaði sem gjafari í vestur, Dennis Bilde í norður vakti á 1♣, Piotr Gawrys kom inn á 1♦ og Duboin stökk í 4♥. Dobl og tígull út.

Duboin trompaði tígul númer tvö, aftrompaði vörnina í einni sveiflu og spilaði svo spaða að kóng. Klukowski drap og spilaði aftur spaða. Duboin henti laufi í ♠K og stakk spaða. Fór inn í borð á hjarta og trompaði síðasta spaðann. Nú var allt hreint og klárt fyrir lokaátökin í laufinu.

Klukowski hafði sýnt ♠Á og ♥D. Hann passaði í byrjun og átti því tæplega bæði ás og drottningu í laufi. En örugglega ásinn, úr því hann doblaði 4♥. Duboin spilaði ♣8 – lítið frá Klukowski og kóngur í borði. Meira lauf og Gawrys sat inni á stakri drottningu og varð að gefa trompun og afkast.