Fjólublátt blóð. S-AV
Norður | |
♠K85 | |
♥1075 | |
♦10986 | |
♣Á92 |
Vestur | Austur |
♠96 | ♠ÁG10743 |
♥D9643 | ♥-- |
♦G42 | ♦Á753 |
♣653 | ♣G84 |
Suður | |
♠D2 | |
♥ÁKG82 | |
♦KD | |
♣KD107 |
Suður spilar 4♥ redobluð.
Henrik prins var dönskum spilurum traustur félagi og bakhjarl – setti mót, veitti verðlaun og dreifði hlátri og gleði um sali. Sjálfur var prinsinn fjörmikill spilari, áhættusækinn og „meldeglad“. Einkum var hann veikur fyrir fjólubláa sagnmiðanum – redoblinu.
Henrik vakti á 1♥ sem gjafari í suður. Makker hans (franski landsliðsmaðurinn Thomas Bessis) lyfti í 2♥, austur kom inn á 2♠ og Henrik stökk í 4♥. Vestur lét í ljósi efasemdir með dobli og Henrik redoblaði að bragði. Austri leist ekki á blikuna, flúði í 4♠ og greiddi fyrir það 800-kall. Prinsinum þótti það vel sloppið hjá mótherjunum: „Ég hefði fengið 880 fyrir að vinna 4♥ redobluð.“
Christina Lund Madsen segir frá spilinu í Dansk Bridge. Hún bætir við að „Hans Kongelige Höjhed“ hafi redoblað aftur í næstu setu og þá sátu mótherjarnir sem fastast: 1280 í konunglega dálkinn (4♠xx +1).