Sjónvarp Venjulegt fólk nefnist ný íslensk gamansöm sjónvarpsþáttaröð um dramað sem fylgir lífsgæðakapphlaupi tveggja vinkvenna. Öll þáttaröðin er væntanleg í Sjónvarp Símans Premium 2. nóvember næstkomandi.
Sjónvarp
Venjulegt fólk nefnist ný íslensk gamansöm sjónvarpsþáttaröð um dramað sem fylgir lífsgæðakapphlaupi tveggja vinkvenna. Öll þáttaröðin er væntanleg í Sjónvarp Símans Premium 2. nóvember næstkomandi.
„Að upplifa frægð og frama er ekki bara dans á rósum heldur hefur það ófyrirsjáanlegar afleiðingar fyrir þær, fjölskyldu og vini,“ segir í kynningu sjónvarpsstöðvarinnar.
Með aðalhlutverk í þáttunum fara þær Júlíana Sara Gunnarsdóttir og Vala Kristín Eiríksdóttir, sem saman gerðu gamanþættina Þær tvær sem nutu vinsælda fyrir skemmstu. Auk þeirra eru Hilmar Guðjónsson og Arnmundur Ernst Backman í veigamiklum hlutverkum.
Vala og Júlíana skrifa þættina ásamt Dóra DNA og Fannari Sveinssyni úr Hraðfréttum en hann leikstýrir einnig þáttunum.