Grænt Flest félög hækkuðu í gær.
Grænt Flest félög hækkuðu í gær.
Arion banki lækkaði um 3,3% í viðskiptum í Kauphöll í gær. Umfang viðskipta með bréf bankans nam 96,8 milljónum króna. Þá lækkuðu bréf Origo um 2,2% í mjög takmörkuðum viðskiptum upp á tæpar 1,6 milljónir króna.

Arion banki lækkaði um 3,3% í viðskiptum í Kauphöll í gær. Umfang viðskipta með bréf bankans nam 96,8 milljónum króna. Þá lækkuðu bréf Origo um 2,2% í mjög takmörkuðum viðskiptum upp á tæpar 1,6 milljónir króna. Þriðja félagið sem lækkaði í viðskiptum dagsins var Sýn og nam lækkun þess 0,7% í ríflega 89 milljóna viðskiptum.

Mest hækkuðu bréf Haga eða um 2,8% í 281 milljónar króna viðskiptum. Þá hækkuðu bréf Skeljungs um 2,1% í 157 milljóna viðskiptum. Bréf fasteignafélagsins Reita hækkuðu um 1,6% í 135 milljóna viðskiptum. Þá hækkuðu bréf Sjóvár og N1 um 1,4%. Önnur félög hækkuðu minna.