Björn Bjarnason vitnar til skrifa Markaðar Fréttablaðs um fjármálasnilld Gunnars Smára og milljarðana mörgu sem hann dreifði eins og gotteríi á eilífum nammidögum áður en hann reis upp sem Mao Zedong endurborinn úr brunarústum Fréttatímans. Markaðurinn hefur heimildarmann sem þekkir vel til og veit einnig um nýjan spena Gunnars Smára og ótrúlega reikninga sem berast nú gullkistuvörðum alþýðunnar:
Fréttir hafa birst um að fjármálastjóra Eflingar – stéttarfélags var skipað að taka veikindaleyfi þegar reikningur frá eiginkonu Gunnars Smára var ekki greiddur tafarlaust.
Þetta eru allt kaldar staðreyndir sem við blasa. Á ólíklegustu stöðum gefst Gunnari Smára hvað eftir annað tækifæri til að reyna að kjafta sig frá þeim með því að benda á einhver furðuvirki, nú síðast að hann sem sósíalisti sé einhver sérstakur talsmaður launafólks eða leigjenda.
Mikill minnihluti í Eflingu – stéttarfélagi stóð að kjöri Sólveigar Önnu Jónsdóttur í formennsku félagsins. Síðan hefur hún ráðið tvo háskólamenn, Stefán Ólafsson og Viðar Þorsteinsson, til starfa fyrir félagið og í jaðrinum er Gunnar Smári. Sjóðir Eflingar eru sagðir nema 12 milljörðum.
Með því að setja fjármálastjórann og bókarann í veikindaleyfi er ætlunin að móta nýjan farveg fyrir aðgang að fjármunum félagsins. Hvers vegna er það forgangsmál?“
Til baka
Leita í greinasafni
Prenta grein
