Undanbragð Kristjáns. A-Allir Norður &spade;G87 &heart;Á432 ⋄G32...

Undanbragð Kristjáns. A-Allir

Suður spilar 6♣.

Spil dagsins er frá lokaumferð Deildakeppninnar um síðustu helgi og var tíðindalítið við flest borð. Þó ekki öll. Kristinn Kristinsson og Kristján Þorsteinsson sögðu slemmu, einir manna – 6♣, sem Kristján spilaði í suður. Mesti vandinn liggur í spaðanum og Kristjáni var nokkuð létt þegar hann fékk út ♠6 og gat tekið níu austurs með tíunni heima. En honum brá í brún, strax í næsta slag. Þá lagði hann niður ♣Á og austur henti hjarta.

Kristján spilaði laufi á gosa, svínaði í spaða, spilaði meiri spaða og aftur háspaða þegar vestur neitaði að trompa. Vestur trompaði heldur ekki síðasta spaðann, heldur henti tveimur hjörtum. Kristján tók á ♣KD, lagði niður ♦ÁK og spilaði hjarta að ásnum. Vestur henti tígli (gat ekki annað) og Kristján notaði innkomuna á ♥Á til að trompa ♦G með bláhundi heima.

Vörnin fékk loks síðasta slaginn, sameiginlega á tromp og hjarta.