Jón Dagur Þorsteinsson
Jón Dagur Þorsteinsson
Jón Dagur Þorsteinsson var á skotskónum fyrir Vendsyssel þegar liðið tók á móti Eggerti Gunnþóri Jónssyni og liðsfélögum hans í SönderjyskE í dönsku úrvalsdeildinni í knattspyrnu í gær. Jón Dagur kom Vendsyssel á bragðið með marki á 14.

Jón Dagur Þorsteinsson var á skotskónum fyrir Vendsyssel þegar liðið tók á móti Eggerti Gunnþóri Jónssyni og liðsfélögum hans í SönderjyskE í dönsku úrvalsdeildinni í knattspyrnu í gær. Jón Dagur kom Vendsyssel á bragðið með marki á 14. mínútu og staðan 1:0 í hálfleik. SönderjyskE skoraði næstu þrjú mörk leiksins. Emmanuel Ogude klóraði í bakkann fyrir Vendsyssel á 85. mínútu en það dugði ekki til og SönderjyskE hafði því betur í hörkuleik. Jón Dagur lék allan leikinn í liði Vendsyssel og Eggert Gunnþór gerði slíkt hið sama fyrir SönderjyskE. Vendsyssel er í tólfta sæti deildarinnar með 15 stig, þremur stigum meira en botnlið Vejle og Hobro, en SönderjyskE er í fjórða sæti með 20 stig eftir fimmtán leiki. bjarnih@mbl.is