Kórperlur á allra heilagra messu

Schola cantorum, kammerkór Hallgrímskirkju, heldur tónleika í Hallgrímskirkju á allra heilagra messu á morgun, sunnudag, kl. 17. Á efnisskránni eru kórverkin Media vita eftir John Sheppard, Miserere eftir James MacMillan og Missa defunctorum eftir Kjell Mörk Karlsen. Stjórnandi er Hörður Áskelsson. „Tónleikar Schola cantorum á allra sálna messu undanfarin ár, þegar látinna er minnst, hafa notið mikilla vinsælda í kertum prýddri kirkjunni, þar sem a cappella söngur kórsins nýtur sín einkar vel í hljómburði kirkjunnar,“ segir í tilkynningu.