<strong>Martha's Vineyard, Massachusetts, Bandaríkjunum </strong>Á þessari fallegu eyju var stór hluti kvikmyndarinnar <strong>Jaws </strong>tekinn upp. Tökur fóru að mestu fram í þorpinu Menemsha og bænum Chilmark og fékk leikstjórinn Steven Spielberg fjölmarga íbúa eyjarinnar til liðs við sig sem aukaleikara í myndinni. Veðrið er mjög þægilegt þarna á sumrin svo að eyjan hefur verið vinsæll ferðamannastaður.
Martha's Vineyard, Massachusetts, Bandaríkjunum Á þessari fallegu eyju var stór hluti kvikmyndarinnar Jaws tekinn upp. Tökur fóru að mestu fram í þorpinu Menemsha og bænum Chilmark og fékk leikstjórinn Steven Spielberg fjölmarga íbúa eyjarinnar til liðs við sig sem aukaleikara í myndinni. Veðrið er mjög þægilegt þarna á sumrin svo að eyjan hefur verið vinsæll ferðamannastaður. — GettyImages/iStockphoto
<strong>Matamata, Nýja-Sjálandi</strong> Þarna lifnaði <strong>Hringadróttinssaga </strong>við á hvíta tjaldinu en nálægur bóndabær var tökustaður myndanna og gengur undir nafninu Hobbiton. Aðdáendur geta farið í fótspor hobbitanna og skoðað sig um með leiðsögn. <strong>Hobbitinn </strong>og framhaldsmyndir voru teknar upp þarna síðar.
<strong>Doune-kastali, Skotlandi </strong>Breska gamanmyndin <strong>Monty Python and the Holy Grail </strong>var tekin upp að hluta til í og við kastalann árið 1974. Framleiðendurnir höfðu fengið leyfi til að taka upp í fleiri kastölum en leyfið var afturkallað, svo að Doune-kastali þurfti að gegna mörgum hlutverkum í myndinni.
<strong>Griffith Observatory, Los Angeles, Bandaríkjunum </strong>James Dean lést því miður áður en kvikmyndin <strong>Rebel Without a Cause </strong>var frumsýnd en mikilvæg atriði í myndinni voru tekin upp í stjörnuathugunarstöðinni. Frá stöðinni er gott útsýni yfir miðborg Los Angeles.
<strong>Páfagarður </strong>Kvikmyndin <strong>Englar og djöflar </strong>sem gerð var eftir samnefndri bók Dans Brown gerist í Páfagarði. Tom Hanks leikur táknfræðinginn Robert Langdon í þessum spennutrylli. Ýmis útiskot voru tekin upp í Páfagarði en kaþólska kirkjan var ekki hrifin af fyrstu myndinni, Da Vinci lyklinum, og bannaði því tökur í kirkjum sínum svo að þær fóru fram í myndveri Sony í Kaliforníu. Í Páfagarði er margt að sjá og ættu þeir sem heimsækja Róm ekki að sleppa því að fara í Vatíkanið og horfa á listmunina og byggingarnar með augum Langdon.
<strong>Christ Church College, Oxford, Englandi </strong>Þessi mikli matsalur leikur stórt hlutverk í <strong>Harry Potter </strong>þar sem hann tekur á sig mynd galdraskólans Hogwarts. Allt umhverfið þarna er töfrandi og gaman að skoða enda er þetta vinsælasti skólinn í Oxford hjá ferðamönnum.
<strong>Notting Hill, London, Englandi </strong>Hin dásamlega rómantíska gamanmynd Richards Curtis með Hugh Grant og Juliu Roberts í aðalhlutverki heitir <strong>Notting Hill </strong>eftir hverfinu. Húsin eru falleg og þarna er er líka hinn skemmtilegi Portobello-markaður, sem heitir eftir Portobello Road, en stór hluti myndarinnar var tekinn upp þar.
<strong>Beverly Wilshire, Beverly Hills, Kaliforníu, Bandaríkjunum </strong>Það væri ekki amalegt að eyða fríinu á Four Seasons-hóteli enda hafa bæði Bandaríkjaforsetar og kvikmyndastjörnur gist þarna. Það hefur verið notað sem tökustaður í mörgum þáttum og kvikmyndum og má þar helst nefna <strong>Pretty Woman </strong>með Richard Gere og Juliu Roberts í aðalhlutverkum en persóna Roberts, Vivian Ward, gistir á Beverly Wilshire.
[ Smellið til að sjá stærri mynd ]
Góðar kvikmyndir hrífa mann með sér og geta líka vakið áhuga á nýjum stöðum, hlutum og upplifunum.

Góðar kvikmyndir hrífa mann með sér og geta líka vakið áhuga á nýjum stöðum, hlutum og upplifunum. Hér eru taldir upp átta tökustaðir og sögusvið þekktra kvikmynda, allt frá smáríki til stjörnuathugunarstöðvar, sem enn skemmtilegra er heim að sækja ef maður þekkir staðinn af hvíta tjaldinu. Inga Rún Sigurðardóttir ingarun@mbl.is

Góðar kvikmyndir hrífa mann með sér og geta líka vakið áhuga á nýjum stöðum, hlutum og upplifunum. Hér eru taldir upp átta tökustaðir og sögusvið þekktra kvikmynda, allt frá smáríki til stjörnuathugunarstöðvar, sem enn skemmtilegra er heim að sækja ef maður þekkir staðinn af hvíta tjaldinu.

Inga Rún Sigurðardóttir ingarun@mbl.is