Ellie Goulding á rauða dreglinum á British Fashion Awards.
[ Smellið til að sjá stærri mynd ]
Söngkonan og lagahöfundurinn Ellie Goulding er eitt af afmælisbörnum helgarinnar, fædd 30. desember árið 1986, í smábænum Hereford á Vestur-Englandi.
Söngkonan og lagahöfundurinn Ellie Goulding er eitt af afmælisbörnum helgarinnar, fædd 30. desember árið 1986, í smábænum Hereford á Vestur-Englandi. Hún lærði snemma að spila á klarínett og 14 ára lærði hún á gítar og upp úr því fór hún að semja lög og syngja. Hún hóf nám í leiklist við háskólann í Kent en á þeim árum fór hún einnig að vinna með raftónlist og eftir tvö ár í námi hætti hún því öllu og flutti til London til að einbeita sér alfarið að söngnum. Ellie hefur látið hafa það eftir sér að hana dreymi einna helst um að vinna með Björk. Eitt þekktasta lag hennar er lagið Love Me Like You Do, sem var í kvikmyndinni Fifty Shades of Grey árið 2015 og var það síðar tilnefnt til Grammy- og Brit-verðlauna.