Óvænt einlægni. N-Enginn Norður &spade;G732 &heart;G2 ⋄4...

Óvænt einlægni. N-Enginn

Suður spilar 6♠.

Kiddi kaldhæðni fékk ekki viðurnefni sitt í skírnargjöf – hann hefur unnið fyrir því á löngum tíma. Þegar Kiddi hrósar makker sínum fyrir að tapa „borðleggjandi“ slemmu er því líklegt að meiningin sé önnur og kaldranalegri. En það er ekki einhlítt.

Umræddur Kiddi er fastagestur í spilaklúbbi Frank Stewarts og heitir þar „Cy the Cynic“. Hann var blindur í þessu spili og fylgdist með makker sínum glíma við 6♠ eftir hindrun austurs í tígli. Sá var enginn annar en femínistinn Vanda (Wendy the club feminist), sem lætur ekki karlrembu eins og Kidda bjóða sér hvað sem er.

Útspilið var tígull og Vanda tók strax ♠ÁK. Eftir stutta umhugsun spilaði hún næst laufi og svínaði níunni! Um framhaldið þarf ekki að fjölyrða, en Kiddi var stórhrifinn og lét það í ljós á einlægan hátt með orðunum „vel gert, makker“.

„Nagaðu spilin þín,“ var svarið.