Traustsins verður.

Traustsins verður. S-Allir

Norður
♠ÁK642
♥105
♦ÁKG43
♣10

Vestur Austur
♠973 ♠DG108
♥KD82 ♥ÁG96
♦10765 ♦D9
♣D5 ♣873

Suður
♠5
♥743
♦82
♣ÁKG9642

Suður spilar 5♣.

Það eru allir á hættu og suður opnar í fyrstu hendi á 3♣. Hefðbundin hindrun. Á norður fyrir svari?

Sennilega ekki. Vissulega á norður ágæt spil, en það er ólíklegt að geim vinnist á móti venjulegri hindrun. En þessi tiltekni norður hefur mikið traust á makker sínum og svarar á 3♠. Lyftir síðan 4♣ suðurs í fimm. Út kemur ♥K og ♥2 í öðrum slag (þriðja hæsta frá ríkjandi lengd). Austur drepur og skiptir yfir í ♠D.

Sagnhafi þarf að finna drottninguna í trompi. Líkindafræðin mælir með svíningu (austur er líklegri til að eiga ♣Dxx en vestur ♣Dx), en þetta er spil fyrir sálfræðinga frekar en prósentuhausa. Með ♣Dxx hefði austur örugglega spilað hjarta í þriðja sinn til að taka tromptíuna úr blindum.

Suður ætti því að toppa laufið í von um kraftaverk. Þá reynist hann sannarlega traustsins verður – bæði í sögnum og spilamennsku.