Lærisveininn. S-NS Norður &spade;D8 &heart;D95 ⋄KG1073 &klubs;G107...

Lærisveininn. S-NS

Suður spilar 3G.

Svo að enn og aftur sé vitnað í Göltinn grimma þá heldur hann því staðfastlega fram að ætíð skuli velja þvingun umfram svíningu. Ástæðan er Machiavellisk fremur en fagurfræðileg, enda bæði sárt og niðurlægjandi að láta þvinga af sér slag.

Spil dagsins er frá leik Lavazza og Wolfson í undanúrslitum Vanderbilt. Dennis Bilde spilaði 3G eftir innákomu Mike Kamil í vestur á 1♥. Kamil hóf vörnina með ♥ÁK og þriðja hjartanu. Bilde tók tíglana sína fimm og Kamil henti þremur spöðum og einu laufi án þess að láta sér bregða. Hann var vissulega flæktur í þvingunarneti en sagnhafi vissi ekkert um það.

Kannski ekki. En sem lærisveinn Galtarins og Machiavellis var Bilde ekki í vandræðum með að leggja niður ♣ÁK og fella drottninguna að baki. Hinum megin svínaði hinn blíðlyndi Jeff Wolfson laufgosa í sömu stöðu og fór tvo niður.