Önnur áætlun. A-Allir Norður &spade;D954 &heart;ÁK4 ⋄ÁD &klubs;DG87...

Önnur áætlun. A-Allir

Suður spilar 6♦.

Kínverjinn Linlin Hu var óheppinn með útspilið gegn 6♦ – kom út með ♣10. Þetta var í úrslitaleik Brosbikarsins, í upphafi þriðju og síðustu lotunnar. Staðan eftir tvær lotur: Lavazza 66, Kína 69.

Hvíthærða goðið Norberto Bocchi var við stýrið og fór svolítið úr einu í annað. Átti fyrsta slaginn á ♣D, lagði niður trompás, tók ♠Á, spilaði tígli á drottningu og sá leguna. Spilaði laufi heim á ás, tók ♦K (henti spaða), prófaði svo ♥Á og drottningin kom siglandi. Tími til að staldra við.

Eftir nokkra íhugun spilaði Bocchi ♣G úr borði og trompaði þegar austur fylgdi átakalaust með smáspili. Sendi austur svo inn á tromp og henti síðasta laufinu í borði. Skrýtið, því ef hann heldur í laufið þvingast vestur sjálfkrafa í mjúku litunum. En Bocchi hafði aðra áætlun – hann henti einfaldlega hjarta heima þegar austur spilaði tilneyddur spaða frá kóngnum. Það dugði líka.