Góður Martin er næststigahæstur hjá Alba Berlín á leiktíðinni.
Góður Martin er næststigahæstur hjá Alba Berlín á leiktíðinni. — Ljósmynd/FIBA
Martin Hermannsson var stigahæstur leikmanna Alba Berlín með 23 stig þegar liðið vann Eisbären Bremerhaven 107:104 í framlengdum leik í þýsku 1. deildinni í körfubolta í gær.

Martin Hermannsson var stigahæstur leikmanna Alba Berlín með 23 stig þegar liðið vann Eisbären Bremerhaven 107:104 í framlengdum leik í þýsku 1. deildinni í körfubolta í gær. Martin skoraði úr 3 af 4 þriggja stiga skotum sínum, þar á meðal þegar hann tryggði liði sínu framlengingu. Þá skoraði hann dýrmæt stig í lok framlengingar.

Alba Berlín var þegar öruggt um 3. sæti deildarinnar og nú er ljóst að liðið mætir Ulm í 8-liða úrslitum þegar úrslitakeppnin hefst eftir viku.