Varstu að lenda í Ísrael? Já, ég er í leigubílnum á leiðinni frá flugvellinum. Þú hefur ákveðið að skella þér á Eurovision? Nei, nei, ég er að fara að syngja á Euro-café á sunnudaginn. Við erum hér þrjú, ég, Friðrik Ómar og Hera Björk.
Varstu að lenda í Ísrael?
Já, ég er í leigubílnum á leiðinni frá flugvellinum.
Þú hefur ákveðið að skella þér á Eurovision?
Nei, nei, ég er að fara að syngja á Euro-café á sunnudaginn. Við erum hér þrjú, ég, Friðrik Ómar og Hera Björk.
Ætliði að taka gömlu Eurovision-lögin?
Já og eitthvað fleira. Við Friðrik erum með hálftíma syrpu af alls konar lögum. Þetta verður geggjað, þetta er tvö þúsund manna klúbbur sem opnar á sunnudaginn. Það er mikill heiður að vera boðin hingað og fá að syngja.
Verðurðu aldrei leið á All out of luck?
Nei, maður getur það ekki, þetta er svo mikil gleðisprengja.
Ætlið þið svo á Eurovision?
Við ætlum að vera í viku en erum ekki komin með miða en horfum auðvitað. Svo ætlum við að njóta þess að vera til í sólinni og skoða okkur um.
Hefurðu farið til Ísraels síðan 1999?
Nei, ég er að koma hingað í fyrsta sinn í tuttugu ár.
Hvernig er tilfinningin?
Bara mögnuð. Ég á góðar minningar héðan.
Ef þú hugsar til baka, hvað stendur upp úr?
Góður árangur og gríðarlega spennandi stigagjöf.
Hvaða sæti spáir þú Hatara?
Þeir fljúga í gegnum undanúrslitin. Lagið er gott og vekur athygli. Ég ætla að segja að þeir endi í topp fimm.
Selma Björnsdóttir söngkona sló eftirminnilega í gegn á Eurovision í Ísrael árið 1999 en hún lenti þar í 2. sæti sem er besti árangur Íslands hingað til. Hún er nú stödd í Ísrael til að skemmta í Euro-klúbbi.